U cieuve, u cieuve cu-i mugugni du Gin,
u cieuve, u cieuve e semmu tûtti a mollu;
u çe nu veu serrä i seu pregìn,
ægua in te scarpe, ægua zû pe u collu.
I dîxan ch’a fa ben pé a campagna
òua che semmu in tu meişe d’Arvî;
beșeugna che a scignua a nu se lagne,
dixe u pruverbiu “Ogni stissa ‘n barî”.
U cieuve sci che lûxan tutte e canae,
s’è ‘scüşu ben u sü da quarche giurnâ;
u cieuve e nu sciûgan ciû e bûgae,
a mæ macchina de badda a s’è lavâ.
Se bàgnan i rissi biundi da vexin-a,
i paegua nu gh’an tempu de sciûgâse;
crésce l’ûmiditae fin-a a cantin-a,
cuntìnua l’ægua du letimbru a issâse.
L’arriva ûn’ätra séïa e ancùn u cieuve:
staïemu in ca’ a miä a televixùn;
truviëmu a- resveggiu bun-e neuve?
Ne tîa sciû u cheu ‘n po’ de tempu bun!
Angelo Buffoni – dialetto di Savona
PIOVE
Piove. Piove col brontolare di Gino,
piove, piove e siamo tutti a mollo,
il cielo non vuole chiudere i rubinetti,
acqua nelle scarpe, acqua giù per il collo.
Dicono che fa bene per la campagna
ora che siamo nel mese di Aprile;
bisogna che la signora non si lagni,
dice il proverbio: “Ogni goccia un barile”.
Piove sì che luccicano tutte le grondaie,
s’è nascosto bene il sole da qualche giorno;
piove e non s’asciugano più i bucati,
la mia macchina si è lavata gratis.
Si bagnano i riccioli biondi della vicina,
i paracqua non han tempo di asciugarsi;
cresce l’umidità fino in cantina,
continua l’acqua del Letimbro a salire.
Arriva un’altra sera e ancora piove,
staremo in casa a guardare la televisione;
troveremo al risveglio buone novità?
Ci solleva il cuore un po’ di tempo buono.
Nessun commento:
Posta un commento