E ARBOE di Pia Bandini

Me sovven de quande s’arrembâvimo

a-e àrboe; i nostri cheu battéivan…

e dentro a-i teu euggi nascéivan punti giäni

de sô ch’o n’aggueìtâva da lontan.

Te vegne in cheu?

In scë l’antìga creuza do mæ paise

quelle due àrboe éan cresciùe

vixin vixin…

E quande o sô da seja

o te ghe dâva ‘na pennellâ de luxe,

e so ombre s’allunghìvan sorva o pròu

e i due çimelli se toccavan

comme pe dase ‘n baxo.

Pia Bandini – dialetto di Genova

I PIOPPI

Ricordo di quando ci appoggiavamo

ai pioppi; i nostri cuori battevano…

e dentro ai tuoi occhi nascevano puntini gialli

del sole che ci spiava da lontano.

Ti ritorna in mente?

Sull’antico sentiero del mio paese

quei due pioppi erano cresciuti

vicini vicini…

E quando il sole della sera

gettava una pennellata di luce,

le loro ombre s’allungavano sul prato

e le due cime si toccavano

come per darsi u bacio.