BAGNI D’INVERNO di Angelo De Ferrari

Vento. Resacca spessa d’ægue gianche

che sc-ciûmman in to respïo da spiägia vêua,

i schêuggi neigri pâ che zêugan allêua

co-e nûvie gönfie cōmme ciosse stanche.

Primme pisagge a-o sô assettae in sce-e banche

(o Dente e o Reixa a impî a scena nêua),

ûn traghetto che o ne ven da-o fëua

o trachezza cōmme ûn sensa palanche.

Tentan prêuve de stae e scignōe in pellissa

derrê a-i vedri mentre fan giâ e carte,

parlan do tempa ma han l’aïa nissa

de chi se sente misso in disparte

dovendo lasciâ libera a culissa

a ûn treno che pe lö o no parte.

Angelo De Ferrari – dialetto di Genova

BAGNI D’INVERNO

Vento. Risacca spessa di acque bianche

che schiumano nel respiro della spiaggia vuota,

gli scogli neri pare che giochino a nascondino

con le nuvole gonfie come chiocciole stanche.

Primo pisoli al sole seduti sulle panche

(il Dente o il Reixa a riempire la scena nuova)

Un traghetto che arriva dal di fuori

procede incerto come uno senza soldi.

Tentano prove d’estate le signore in pelliccia

dietro ai ventri mentre fanno girare le carte,

parlano del tempo ma hanno l’aria ammaccata

di chi si sente messo in disparte

dovendo lasciare liberi i binari

ad un treno che per loro ormai non parte.