IN CAVAGNETU D’AMÙ di Emilia Ramò

Drentu in cavagnétu agaribau

int’ina gnivura de gianche sciure

sei rööse russe cume u sanghe

i parla d’in grande sentimentu

ch’u bugia l’intregu üniversu

se da-a man de Diu u l’è acumpagnau.

Ina manina téesa cun a frecéta

int’in ercu d’amù a gh’a tirau

drentu ‘ste bèle sciure in bietin

cun ina frasca pe’ nui de tantu unù:

Cun u mei cö e tütu u mei penscieru

a te mandu u prefümu de Sanremu.

Emilia Ramò – dialetto di Sanremo

UN PICCOLO CESTINO D’AMORE

Dentro un piccolo cestino garbato

in una nuvola di bianchi fiori

sei rose rosse come il sangue

parlano di un grande sentimento

che muove l’universo intero

se dalla mano di Dio è accompagnato.

Una manina tesa con la freccetta

in un arco d’amore gli ha tirato

dentro a questi bei fiori un bigliettino

con un vezzo per noi di tanto onore:

Con il mio cuore e tutto il mio pensiero

ti mando il profumo di Sanremo.