U NU CUNVEN CI MŒIRE di Antonio Allavena

 Me recampava alura

cu’u fasciu d’in campagna

e avia pousau sea porta

e legne e a lambustagna.

Candu me ciama a fémera

e tïta spaventà

a dije: - Ti nu sente,

Bacì, sta rangugnà?

Mi che savìa l’antifuna

gh’ai ditu: - U nu l’è ren,

u l’è Bernà ch’u ciagne

ch’i gh’an pigliau u sei ben.

St’ustau gh’è mortu a fémera

e i gh’an sunau u relœriu,

pœi per pagar u contu

gh’è andau due giare d’œriu.

Pe’ catru strimburagne

e ïgna spurghignà

u gh’è partiu e castagne

e a ca de Lataglià.

Bernà u m’a ditu francu

che numa u “Dies iræ”

u nu gh’è custau menu

de utantaçinche lire.

L’è in omu daberassu,

da tïti u l’è ben vistu,

ma i te l’an despœgliau

cume in poveru cristu.

U gh’è arrestau dui cossi:

ula e lasagnaur,

besœgnerà ch’u i daga

dopu a l’Insinuatur.

Mi sun propriu cunvintu,

sensa cuntar de lœire,

che s’u ne custa tantu

u nu cunven ci mœire.

Antonio Allavena – dialetto di Pigna

NON CONVIENE PIÙ MORIRE

Stavo tornando allora

con un fascio dalla campagna

e avevo posato sulla porta

la legna e un fagotto.

Quando mi chiama la moglie

e tutta spaventata

dice: - Non senti,

Bacì, questo piagnucolare?

Io che sapevo l’antifona

le ho detto: - Non è nulla,

è Bernà che piange

perché gli hanno preso i suoi beni.

Quest’estate gli è morta la moglie

e le hanno suonato la sua ora (agonia),

poi per pagare il conto

ci son volute due giare d’olio.

Per quattro volùte di incenso

e una spruzzata di acqua benedetta

gli son partite le castagne

e la casa di Lataglià.

Bernà mi ha detto chiaro

che solo il “Dies iræ”

non gli è costato meno

di ottantacinque lire.

E’ un uomo dabbene,

da tutti è ben visto,

ma lo hanno spogliato

come un povero cristo.

Ci sono rimasti due carabattole:

recipiente del latte e mattarello,

bisognerà che li dia

dopo all’Esattore.

Io sono proprio convinto,

senza raccontare frottole,

che se ci costa tanto

non conviene più morire.