Crêuze de mæ çittæ, tra miagie âte
tûtte guarnìe de glicini e de rêuse
duvve e cubiette gh’andâvan versu seia
a scundise pe dâse quarche bâxu.
Crêuze in salita de mæ primmaveia
che purtavan, tra i orti, sciû in culin-a
duvve a mazzu, in ti custi de ninsêua,
u ghe fâva u sêu niu u ruscignêu.
Crêuze, regordi belli da mæ zuventù,
sparìe pe fâ de ville e di palassi.
Antighe miagie che ormâi l’an cacciæ zû
e quelle poche che ghe sun restæ
cuverte d’ellua, de spinn-e e d’erbe gramme
nu piâxan ciû ae cubiette innamuae.
Ma in mezu a quelle spinn-e e sensa cûa
‘na rêusa russa e fresca a l’è sciuia
e a stava lì cumme a vuresse dì
che nu besêugna lasciâse subacâ
dae spinn-e inevitabili da vitta
pe lasciâ postu a-a Sciua da Speransa.
Rosa Perrone – dialetto di Savona
IL FIORE DELLA SPERANZA
Viottoli della mia città, tra muri alti
tutti adorni di glicini e di rose
dove le coppiette andavano verso sera
a nascondersi per darsi qualche bacio.
Viottoli in salita della mia primavera
che portavano, tra gli orti, su in collina
dove a maggio, negli alberetti di nocciola
faceva il suo nido l’usignolo.
Viottoli, ricordi belli della mia gioventù,
spariti per costruire ville e palazzi.
Antichi muri che ormai li hanno buttati giù
e quei pochi che ci sono rimasti
coperti di edera, di spine e di erbe cattive
non piacciono più alle coppiette innamorate.
Ma in mezzo a quelle spine e senza cura
una rosa rossa e fresca è fiorita
e stava lì come volesse dire
che non bisogna lasciarsi sopraffare
dalle spine inevitabili della vita
per lasciare posto al Fiore della Speranza.
Nessun commento:
Posta un commento