De voute a lüna
a paresce ina cüna.
Chi u sa cose a pensa de nui,
servaiga e inursà,
gianca e giassà
cume ina ciaza
in matin prestu d’invernu
orba fina d’in vöru d’uchin.
Chi u sa cose a pensa de nui
poveri cristi,
che tütu u giurnu
andamu, famu, bregamu,
de cursa, sempre de ciü, pe cose?
Pe tantu o pe ninte…
Int’a sciumbria da seira
a ne mira sutürna,
ogni tanto paresce ch’a cianze.
Chi u sa se a l’à ancù da speransa…
Sereva belu puresse fermà
e cünasse cianin int’i soi brassi.
Chi u sa canti de nui i nu s’incala
ma in te bele seirae i gh’an pensau
a fasse ninà inte sta cüna…
Igina Biancheri – dialetto di Ventimiglia
A volte la luna
sembra una culla.
Chissà cosa pensa di noi
selvaggia e scontrosa,
bianca e ghiacciata
come una spiaggia d’inverno
priva persino di un volo.
Chissà cosa pensa di noi
poveretti
che tutto il giorno
andiamo, facciamo, ci diamo d’attorno
di corsa, sempre di più, per che cosa?
Per tanto o per niente…
Nell’ombra della sera
ci osserva taciturna
ogni tanto sembra che pianga;
chissà se ha ancora speranza.
Sarebbe bello potersi fermare
e cullarsi piano nelle sue braccia.
Chissà quanti di noi non osano,
ma nelle belle sere ci hanno pensato
a farsi dondolare in questa culla...
Nessun commento:
Posta un commento