sabato 4 gennaio 2014

A TÒRSIO di Elsa Pastorino Aloisio

(foto di Achille Pennellatore)

O l’ëa un pescòu e o stava lì a ammiâ o mâ.
I giurni dùi do lòu ëan lontan
e, sciben che o reposo o se l’àia guägno,
a fâ caenn-a o s’ammagonava un pö.

O se pregava d’ëse ancon in sciö mâ
a scombatte co-i mòuxi e co-e tempeste;
o a aspëtà a carma, sarçindo e ræ.

O recianzeiva i çe cormi de stelle,
o ciæo da lunn-a e quelli de lampare,
o gianco de l’arbô comme un mantello,
i tramonti rosci in sciö çê turchin.

O se vedeiva ingombòu, co-e brasse stanche,
a pelle arsoïa da-o sô e da-o sarmäxo.

Oua u viveiva a tòrsio e de regordi
e, fando finta de voéise appisaggiâ,
o se tiava zù a beretta inçimma a-o naso,
pe asconde e parpelle ùmie de cento
e pe assunnâse barchi, lampare e ræ.


Elsa Pastorino Aloisio – dial. di Genova


IN OZIO

Era un pescatore e stava lì a guardare il mare.
I giorni duri del lavoro erano lontani
e, benché il riposo se lo fosse guadagnato,
stare in ozio gli faceva tristezza.

Avrebbe voluto essere ancora sul mare
a combattere con le onde e le tempeste,
o ad aspettare la calma rammendando le reti.

Rimpiangeva i cieli colmi di stelle,
il chiar di luna e quelli delle lampare,
il bianco dell’alba come un mantello,
i tramonti rossi sul cielo turchino.

Si vedeva curvo, con le braccia stanche,
la pelle arsa dal sole e dal salino.

Ora viveva in ozio e di ricordi
e, facendo finta di voler dormicchiare,
si calava il berretto fin sul naso,
per nascondere le palpebre umide di pianto
e per sognare navi, lampare e reti.


Nessun commento: