MAE PULITE di Aldo Bottini

Adìu, mai tropu rinciante caresse

faite da-a nona cu-e mae du travaju,

assaixunàe cu-a serra e u magaju

sens’abadà a trüchi e belesse.

Mae frustae sci-a terra a cöje e urive,

da-u freidu abessìe e da l’arsüra,

ensce de tignöre a desmesüra,

di cali e de l’artrite pe’ nu dive.

Mae cöte da-a lescìa a-u lavadù,

strünae int’u furnu e int’i trempei,

da-e brundije sgranfignae e da-i ruvei,

cu-u passà di agni i han scangiau curù.

Mae ch’i tegniva de spessu a curuna,

brüte de terra, ma lavae cu-u süu:

mae pulite! De sertu ciü ancù

de chele che ancöi Giüstissia a perduna!

Aldo Bottini – dialetto di Sanremo

MANI PULITE

Addio, mai troppo rimpiante caresse

fatte dalla nonna con mani lavoratrici,

temperate dalla falce e dal bidente,

sconosciute ai prodotti di bellezza.

Mani consumate sulla terra raccogliendo olive,

dal freddo indurite e dall’arsura,

gonfie a più non posso di geloni,

per tacere dei calli e dell’artrite.

Mani corrose dai tanti bucati al lavatoio,

ustionate nel forno e sul focolare,

graffiate da sterpi e roveti,

col passare del tempo che hanno cambiato colore.

Mani che tenevano sovente il Rosario,

sporche di terra, ma lavate col sudore:

mani pulite! Sicuramente più ancora

di quelle che oggi la Giustizia perdona.