MA SUN ANCUN CHI… di Mario Traversi

Cuæ de ciantâla lì.

De scentà a sappa

e andâmene de chi,

da questa tæra

ch’a me rumpe a schenn-a

e a me sûsse sciûmmi de sùu.

Quantu gh’o pensòu…

Ma sun ancun chi,

innamuòu cumme ‘n nesciu

derê a ‘na foa,

cegòu in scë sta tæra

cumme a bunn-a donna

ch’a l’aspéte ch’u sciorte u figgieu…

E quande spuntan

i frûti da mæ sùu,

me ascordu de tûttu

e cumme ‘na muæ

me lasciu a-e spalle fatiga e dùu.

Mario Traversi – dialetto di Varazze

MA SONO ANCORA QUI…

Voglia di piantarla lì.

Di far sparire la zappa

e andarmene di qui,

da questa terra

che mi rompe la schiena

e mi succhia fiumi di sudore.

Quanto l’ho pensato…

Ma sono ancora qui,

innamorato come uno scemo

dietro a favola,

piegato su questa terra

come la buona donna

che aspetta che nasca il bambino…

E quando spuntano

i frutti del mio sudore,

mi dimentico di tutto

e come una madre

mi lascio alle spalle fatica e sudore.