U TIMIDU di Franco D’Imporzano

(ina vota i ghe diixéva: u sugètuusu)

U nu s’incàla a dì ina soa raixun

cande u seréva u càixu. U l’ha timù

de atacà cu’ ina zùvena butun

fina se pé éla… u spaxima d’amù.

U fa tapesseria, mucu e murciun,

intramènte che e cùbie u bughibù

e u rock alegre i bala. A sugessiun

a nu-u mola. A ghe dà ràgia e durù.

Pìin omu u l’è teribile purtà

da l’infansia ai ürtimi respiri

st’enorme giùgu: nu ghe po’ uspeà

ni meixina de maghi o de fachiri;

chi ancù dopo i vint’agni in colu u l’ha,

o u se fa fürbu o u se fa u karakiri!

Franco D’Imporzano – Dialetto di Sanremo

IL TIMIDO

Non osa dire come la pensa

quando sarebbe il caso. Ha timore

di abbordare una ragazza

anche se per le… spasima d’amore.

Fa da tappezzeria, mogio e impalato,

mentre le coppie un boogie

e un rock ballano allegramente. La soggezione

non lo abbandona, gli provoca rabbia e dolore.

Per un uomo è terribile da sopportare

dall’infanzia e per tutta la vita

questo enorme giogo: non può far nulla un ospedale

né medicina di maghi o fachiri;

chi ha superato i vent’anni

o se la scrolla di dosso (la timidezza) oppure è bene che si suicidi!