Il faro - Disegno di Emilia Ramò
Sce u cavu lagiü
da Madona da Gardia
int’a nöte ti lampi:
l’è in lampu d’agiütu,
d’amù, de speransa
pe’ chelu ch’u navega
sce l’aiga in tempesta.
U l’è in fi ben sutìru
in unde u s’ataca
e-u ghida sce u sbregu da ca’.
L’è cume u viésse a facia
da màire, sentisse ciamà
da i fiöi, sentì za u carù
de tüta a famja.
Scurdà cun ‘stu lampu
a fatiga, u bagnüme, u spaventu;
inte chelu mumentu
ti nu sei sulu faru:
pe’ ‘stu cö tantu stancu
ma tropu cuntentu
ti sei cume u su.
Emilia Ramò – Dialetto di Sanremo
IL FARO
Sul capo laggiù
della Madonna della Guardia
nella notte lampeggi:
è un lampo d’aiuto
d’amore, di speranza
per colui che naviga
sull’acqua in tempesta.
E’ un filo ben sottile
a cui si attacca
e lo guida sulla scia di casa.
E’ come vedesse il viso
della madre, sentirsi chiamare
dai bambini, sentire già il calore
di tutta la famiglia.
Dimenticare con questo lampo
la fatica, l’umidiccio, lo spavento;
in quel momento
non sei solo faro:
per questo cuore tanto stanco
ma troppo contento
sei come il sole.
Nessun commento:
Posta un commento