martedì 3 maggio 2016

PORTOFIN di Edoardo Firpo

Portofino (Ge)

O monte o va zù sensa un ærboo
ma l'érica fiorïa
a mette un sprusso pàllido into zerbo.
E andemmo pe l'äia tranquilla
leggeri in scê rocce marinn-e
anche e prìe pâ che ô sàccian
d'ëse ciù vixinn-e a-o çê:
se dieiva che respïan
comme l'erba ch'ò da-i pê.
Ecco che spóntan i pin!
Son càreghi de pigne e candeiette
e me pan tutti ærboëti de Natale.
Tutti son fermi e càntan sensa vento.
Se ammiemmo in basso, lontan,
in sciô cian verde marin,
veddemmo un gianco pontin
ch'o va desperso sbandòu;
o l'é un öchin e o ne pâ
unna farfalla in sce'n pròu.
E ròcce do golfetto
sprofóndan inte l'ægua de smeraldo,
e o sô ch'o ven zù pàllido
da-e ombre de pinete
o mette un freido de lunn-a
a-i bassifondi incantæ.
Chinâ à San Fruttuoso
a-o nasce da mattin
ò l'imprescion de cazze
dentro à un fiore marin.


Edoardo Firpo – Dialetto di Genova


PORTOFINO

Il monte sale senza un albero
ma l'erica fiorita
mette uno spruzzo pallido nel gerbido.
E andiamo per l'aria tranquilla
leggeri sulle rocce marine.
Anche le pietre sembra che sappiano
d'essere più vicine al cielo;
si direbbe che respirano
come l'erba che ho dai piedi
Ecco che spuntano i pini!
Sono carichi di pigne e candelette,
e mi sembrano tutti alberi di Natale.
Tutti sono fermi e cantano senza vento.
Se guardiamo in basso, lontano,
sul piano verde marino,
vediamo un puntino bianco
che va disperso, sbandato;
è un gabbiano e sembra
una farfalla su un prato.
Le rocce del golfetto
sprofondano nell'acqua di smeraldo,
e il sole che scende pallido
dalle ombre delle pinete
mette un freddo di luna
ai bassifondi incantati.
Scendendo a San Fruttuoso
al nascere del mattino,
ho l'impressione di cadere
dentro ad un fiore marino.

Nessun commento: