BONA A VUI MARIA di Marco Scullino

Bona a Vui Maria

pe’ stu ciantu int’a séira

de l’ürtima rösa

de Mazu sciuria.

Pàixe a Vui Maria

pe’ i sfaradui ch’i gramegna a Frevà

pe’ Marsu che in giurnu u fa u Ben

e l’autru de longu u fa u Mà.

Forsa a Vui Maria

pe’ l’òuru dàgliau

int’u mése de Zügnu

pe’ u pügnu intu stömegu

de ciache giurnu.

Pe’ me màire, ch’a returne a cà,

pe’ l’asbrivu d’in anu ch’u marcia

e pe’ chelu ch’u sgarra e u nu va.

Arimu a Vui Maria

che fin â l’ürtima sciùra de Mazu

avé sempre u curàgiu d’u su

e fin â l’ürtima spina d’u viàgiu

miré dritu int’i ögli l’Amù.

Bona a Vui Maria

pe’ sta vita ramenga cuscì cum’a l’è:

stu ciantu ch’u bagna a me séira

u l’è l’aiga ciü santa ch’a gh’è.

Marco Scullino – Dialetto di Ventimiglia

AVE MARIA

Buongiorno a Voi Maria

per questo pianto nella sera

dell’ultima rosa

di Maggio fiorita.

Pace a Voi Maria

per i colpi di vento da nord che si diffondono con rapidità a Febbraio

per Marzo che un giorno fa il bene

e l’altro fa sempre il male.

Forza a Voi Maria

per il grano dorato tagliato con la falce fienaia

nel mese di Giugno

per il pugno nello stomaco

di ogni giorno.

Per mia madre, che ritorni a casa,

per l’abbrivo di un anno che tira dritto

e per quello che sgarra e non va.

Animo a Voi Maria

che fino all’ultimo fiore di Maggio

avete sempre il coraggio del sole

e fino all’ultima spina del viaggio

guardate dritto negli occhi l’Amore.

Buongiorno a Voi Maria

per questa vita raminga così com’è:

questo pianto che bagna la mia sera

è l’acqua più santa che c’è.