mercoledì 18 maggio 2016

SEIA À VERNASSEUA di Edoardo Firpo

Vernazzola (Genova)

I lummi in riga se spëgian
into golfo turchin
e comme còrde d'öo
trémman e seunnan
dentro à l'arco marin.

Un solitario gossetto
sistro in scê mòbili còrde,
o dòrme in mezo a-a marinn-a,
a-o vento fresco di monti
a lenta onda a se ô ninn-a.

Vixin a-a çimma do Fasce
ecco, gh'é a lunn-a ch'a nasce
e a caccia perle in sciô mâ.

E òua e onde che arrìvan
da-a parte de Portofin
camàllan o ciæo de lunn-a
e ô làscian chì in sce l'ænin.



Edoardo Firpo - Dialetto di Genova


SERA A VERNAZZOLA

I lumi in riga si specchiano
nel golfo turchino
e come corde d'oro
tremano e suonano
nell'arco marino.

Un solitario burchiello
sistro sulle mobili corde,
dorme in mezzo alla marina,
al vento fresco dei monti
la lenta onda lo culla.

Vicino alla cima del Fasce
ecco, c'è la luna che nasce
e getta perle sul mare.

E ora le onde che arrivano
dalla parte di Portofino
trasportano il chiaro di luna
e lo lasciano qui sull'arenile.


1 commento:

Unknown ha detto...

Belliscima, a me regorda in mutivu de u "Bunni " Merli : Gulfu de Zena.