Ciöve…
Adescìasse a-a matin
e sente in silensiu
diversu dai autri giurni.
Ciöve…
L’aiga a bagna a tèra
e tü, d’in tu leitu,
ti senti tachegià ina canà.
Ciöve…
A cousa a te dà paixe.
Pasciensa se in te stu frangente
l’aiga in campagna
a nu l’è bona o a fa de dani.
Ciöve, e a tua arima
a l’atröva in atimu de carma.
Ciöve…
L’inscietà d’andà, de fa
a taixe e a lascia postu
a ina tranchilità che sulu
candu ciöve a se ragiugne.
Ciöve…
Ogni tantu passa ina machina
ch’a stirassa l’aiga.
Ti t’aisserai e ti anderai in giü’
a fa tüte chele cumesciun
che ven in bela de fa candu ciöve.
Forsi numa nui, nui,
gente de campagna,
samu ancù sente e capì
a belessa che gh’è candu ciöve.
Pia - 1996 - dialetto di Vallebona
PIOVE
Piove…
Svegliarsi al mattino
e sentire un silenzio
diverso dagli altri giorni.
Piove…
L’acqua bagna la terra
e tu, dal letto,
senti gocciolare una grondaia.
Piove…
La cosa ti dà pace.
Pazienza se in questo momento
L’acqua in campagna
non è benefica o fà dei danni.
Piove, e la tua anima
trova un attimo di calma.
Piove…
L’ansia di andare, di fare
tace e lascia posto
ad una tranquillità che solo
quando piove si riesce a raggiungere.
Piove…
Ognitanto passa un’automobile
che trascina l’acqua.
Ti alzera e andrai sulla costa
a sbrigare tutte quelle commissioni
che è comodo sbrigare quando piove.
Forse solo noi, noi,
gente di campagna
sappiamo ancora sentire e capire
la bellezza che c’è quando piove.
Nessun commento:
Posta un commento