A VACA MATA di Nuccia Rodi

Ghe sereva piaixiüu

rümegà l’erba tranchile,

sensa caene,

insc’i verdi prai

suta in caudu su.

Ghe sereva piaixiüu

incuntrà omi bravi

ch’i nu viesse in ela

numà carne da maixelu;

che, magara, i ghe desse

inscì in stissin d’amù

inte chela sou cürta vita

e, perché nà, inscì in gestru

caiche vòta

(chi l’à ditu ch’i nu capisce ren?).

Pé contra,

i l’an serà in te de recanti scüri

duve a nu purreva bulegà.

I nu gh’an daitu erba da mangià,

ma farina e toscegu.

Nisciün à mai pensau

de fermasse in mumentu

a mirà i soi grossi ögli magunai
ch’i çercava cumpasciun.

I dixe ch’a l’è mata

ma i mati semu nui.

Nuccia Rodi – dialetto di Ventimiglia

LA MUCCA PAZZA

Le sarebbe piaciuto

ruminare l’erba tranquilla,

senza catene,

sui verdi prati

sotto un caldo sole.

Le sarebbe piaciuto

incontrare brave persone

che non vedessero in lei

solo carne da macello;

che, magari, le dessero

anche un pochino di amore

in quella sua breve vita

e, perché no, un vezzo

qualche volta

(chi l’ha detto che non capiscono niente?)

Al contrario,

l’hanno rinchiusa in angoli oscuri

dove non poteva quasi muoversi.

Non le hanno dato erba da mangiare,

ma farina e sostanze tossiche.

Nessuno ha mai pensato di fermarsi un momento

a guardare i suoi grossi occhi accorati

che cercavano compassione.

Dicono che è pazza
ma i pazzi siamo noi.