CUMPAGNI DE ZÖGU di Maria Dho Bono

A l’éirimu tre o catru garçunete

int’ina stropa tüta de garçui

da classe ’26 e ’27.

Ma tüti inseme, canti maravùi!

Da fane scure fina cu’ a spassùira

atraversu i carrugi du sesté…

Ninte e nisciün però u ne fava pùira!

Ninte e nisciün ne fava andà inderé!

A l’éirimu i padrui du Funtanin.

Forte San Paolo, a Ciassa, da Ciassetta…

Du senté ch’u portava ai Dui Camin,

Vico Forni, Via Giudici, a Rochetta…

L’éirimu propriu int’e l’età ciü bèla,

sempre d’acordiu, cume pe zügà

a cian ciapin, balùn, pimpirinela…

Ma se caicün, pé castigu, u stava a cà,

(o u capitava aiscì tropu suvente!)

se sentivimu tüti castigai,

se agiütavimu tüti pruntamente…

Però, de sti ani urmai chi sun passai,

a trope couse u nu se bada ciü

cume se tüte i fusse veci zöghi!

Ma pé nuiautri, eccume i conta ancù

tüti cheli regordi, e usançe, i löghi…

A se incuntramu avù ina vota tantu…

sempre d’acordiu cume alùra…

A andamu a truvà i autri au campusantu,

pè assendighe in lumin, purtà ina sciura…

Maria Dho Bono – Dialetto di Ventimiglia

COMPAGNI DI GIOCO

Eravamo tre o quattro bambine

in un gruppo tutto di maschi

della classe ’26 e ’27.

Ma tutti insieme, quante birichinate!

Da farci rincorrere persino con la scopa

attraverso i vicoli del Sestiere…

Niente e nessuno però ci faceva paura!

Niente e nessuno ci faceva tornare indietro!

Eravamo i padroni del Funtanin,

Forte San Paolo, della Piazza, della Colletta…

Del sentiero che porta ai Due Camini,

Vico Forno, Via Giudici, la Rocchetta…

Eravamo proprio nell’età più bella,

sempre d’accordo, come per giocare

a cian ciapin, pallone, pimpirinella…

E se uno, per castigo, rimaneva a casa,

(e capitava anche troppo spesso!)

Ci sentivamo tutti castigati,

ci aiutavamo tutti prontamente…

Però, di quegli anni ormai passati,

a troppe cose non si bada più

come se tutte fossero vecchi giochi!

Ma per noi altri, eccome contano ancora

tutti quei ricordi, le usanze, i luoghi…

Ci incontriamo adesso una volta tanto…

Ancora sempre d’accordo come allora…

E andiamo a trovare gli altri al camposanto,

per accendere loro un lumino, portare un fiore…