A MARGUNAIRA* di Erminia Luciano

Cose i gh’an fau â nostra Margunaira

che a vegu li, triste e ciacrinà,

tegnüa strenta dau mö ch’u a liga â riva,

cume in veciu barcun abandunau,

cume in can ligau a ina caena,

cume ina vecia che a se reze au sou bastun…?

Mi nu u cunusciu ciü u veciu scögliu,

duve d’estae andàvimu a zügà:

ghe muntàvimu surva  e i ciü bravi

dâ çima i ciumbava a testa in zü;

ghe ziràvimu inturnu pe’ mirà

i pesci d’argentu e pe’ piglià e patele.

Ma prima d’arrivaghe

duvévimu passà dâ Schina d’Ase*,

u scögliu veixin â riva, au fì d’e unde,

duve andàvimu tüti pe’ imparà a nüà,

tra schersi e zöghi e tanta alegria.

- Ti tochi… nu ti tochi… forsa

date in pussun che ti sei arrivau…! –

E se gh’eira besögnu ti trövavi

sempre ina man ch’a te tirava sciü.

E ti imparavi a nüà sensa savé cume!

Sulu alura ti sfidavi a Margunaira

che a l’eira ancù libera e circundà dae unde.

Arrivaghe a l’eira in’avenutüra; invece

ancöi ti gh’arrivi a pe’!

U nu l’è ciü u meiximu u nostru veciu scögliu,

amigu de a nostra zuventü.

Perché i l’an vusciüu ligà â riva?

Perché i gh’an roubau a sou libertà?

Erminia Luciano – Dialetto di Ventimiglia

LA MARGUNAIRA*

Cosa hanno fatto alla nostra Margunaira

che la vedo lì, triste e addolorata,

tenuta stretta dal molo che la lega alla riva,

come un vecchio barcone abbandonato,

come un cane legato alla catena,

come una vecchia che si regge al suo bastone…?

Io non conosco più il vecchio scoglio,

dove d’estate andavamo a giocare:

ci salivamo sopra e i più bravi

dalla cima si tuffavano a testa in giù;

gli giravamo attorno per guardare

i pesci d’argento e per prendere le patelle.

Ma prima di arrivarci

dovevamo passare dalla Schiena d’Asino*,

lo scoglio vicino alla riva, a filo delle onde,

dove andavamo tutti per imparare a nuotare,

tra scherzi, giochi e tanta allegria.

- Tocchi… non tocchi… forza…

datti una spinta che sei arrivato…! –

E se c’era bisogno trovavi

sempre una mano che ti tirava su.

E imparavi a nuotare senza sapere come!

Solo allora sfidavi la Margunaira

che era ancora libera e circondata dalle onde.

Arrivarci era un’avventura: invece

oggi ci arrivi a piedi!

Non è più lo stesso il nostro vecchio scoglio,

amico della nostra giovinezza.

Perché hanno voluto legarlo alla riva?

Perché gli hanno rubato la sua libertà?

*Nome di antico scoglio ventimigliese