domenica 12 marzo 2017

U RELÖRIU A CUCÙ di Dino Ardoino


U relöriu a cucù ch’u l’è int’a sala
e u fa druvì ogni tantu in so purtélu
de dunde u sciorte – fintu – in bel’uxélu
ch’u cioca l’ura e intantu u se bambala,

u l’averà sent’agni. U l’è in mudélu
svìsseru, antigu, ereditàu daa lala
Michelina e sunandu u ne regala
regordi a brétiu. U l’è pròpiu per chelu

che sta relìchia d’in tèmpu passàu
a m’è cara perché a me fa riandà
ae còuse d’ina vota, au mai scurdàu

sènsu d’intimità ch’u vèn daa cà.
Ma scicume che in giurnu u s’è fermàu,
de cùita a l’ho purtàu dau relörià

ch’u m’ha dìitu: «Brav’omu, a ve cunsèju
de scangiàru, stu chì u l’è früstu e véju».



Dino Ardoino – Dialetto di Sanremo


L’OROLOGIO A CUCÙ

L’orologio a cucù che è nella sala
e fa aprire ogni tanto un suo sportello
da dove esce – finto – un bell’uccello
che batte l’ora e intanto si dondola,

avrà cent’anni. È un modello
svizzero, antico, ereditato dalla zia
Michelina e suonando ci regala
ricordi in quantità. È proprio per quello

che questa reliquia d’un tempo passato
mi è cara perché mi fa riandare
alle cose d’una volta, al mai scordato

senso d’intimità che viene dalla casa.
Ma siccome un giorno s’è fermato,
di fretta l’ho portato dall’orologiaio

che mi ha detto: «Brav’uomo, vi consiglio
di cambiarlo, questo è logoro e vecchio».

Nessun commento: