A gardu l’aigàia ch’a l’assende
de lüüxe i
fi d’erba du prau
che u ventu u l’ha ascaixi
sciügau
e a te pensu.
Int’i mei arregordi
ina cà pecina, ina funtana
e me pàire ch’u ciama.
U me piaixereva viéte au su
ch’u nasce
e turnà petita int’e tò
brasse.
Int’u giardin u pèrsegu u l’è
sciurìu
e i mei segreti pensceri a
ghe cunfiu.
U l’è antigu stu me
sentimentu
e a t’arregordu cun i caveji
sbrufài d’argentu.
Testimoniu de grandi eventi de stu seculu tribulau,
sensa in lamentu
due ghèrre ti l’hai fau,
ti hai vissüu l’autarchia,
ti l’hai vistu a fin da
ditatüra e
da munarchia.
Cun carche caveju giancu e
in po’ ciü
stracu
u t'ha atruvau u “boom”
ecunomicu
e ti hai vistu serrà fina u
manicomiu.
Ma delongu, cu-in pessigu de
speransa,
cume ina veja ruve
ti n’hai tegnüu föra
da ciache magagna.
Ti sei staitu ina bona
cumpagnia,
surve e tue spale ti l’hai
purtau
u peesu da famija,
ti n’hai levau i asciami
e ti n’hai faitu scurdà de
longu i tempi grami.
Maria Ros – Dialetto di
Sanremo
SEMPRE A MIO PADRE
Guarda la rugiada che
accende
di luce i fili d’erba del
prato
che il vento ha quasi
asciugato
e ti penso.
Nei miei ricordi
una casa piccola, una
fontana e mio padre che mi chiama.
Mi piacere vederti al sorgere
del sole
e tornare bambina tra le tue
braccia.
Nel giardino il pesco è
fiorito
e i miei pensieri segreti
gli confido.
E’ antico questo mio
sentimento
e ti ricordo con i capelli
spruzzati d’argento.
Testimone di grandi eventi
di questo secolo tribolato,
senza un lamento
hai fatto due guerre,
hai vissuto l’autarchia,
ha visto la fine della
dittatura e della monarchia.
Con qualche capello bianco e
un po’ più stanco
ti ha trovato il “boom”
economico
e hai visto chiudere i
manicomi.
Ma sempre, con un pizzico di
speranza,
come una vecchia quercia
ci hai tenuti al di fuori di
ogni incomodo.
Sei stato una buona
compagnia,
sopra alle tue spalle hai
portato
il peso della famiglia
ci hai tolto gli affanni
e ci hai fatto dimenticare
sempre i tempi grami.
Nessun commento:
Posta un commento