VECIÀJA di Dino Ardoino

Grìixi caveji mei ch’i se ne van

au vèntu da veciàja ch’u s’i i pìa

a pòuchi aa vota. I se ne vöra via

in surdina e u péntene, vilan,

de regata cui agni u n’incurchìa

caicün ascì. Insuma, demaniman

ch’u passa u tèmpu, ciü ciàiri i se fan

i segni de l’età e menu asbìa

a l’è a vena. E u frena ascì u ciümin

che surv’au föju u stènta a pià l’andame

lèstu de prima. Cume cuntentin,

ciü che scrive, a me lìmitu a segname

càiche apuntu, a marcame in penscïerin,

faghèndu cume chelu ch’u nu ha fame

e u mangiüca. Ma ascì se cun fatiga

ancù ste catru rime a metu in riga.

Dino Ardoino – Dialetto di Sanremo

VECCHIAIA

Grigi capelli miei che se ne vanno

al vento della vecchiaia che se li prende

pochi alla volta. Se ne volano via

in sordina e il pettine, villano,

in gara con gli anni ne artiglia

qualcuno pure. Insomma, mano a mano

che passa il tempo, più chiari si fanno

i segni dell’età e meno viva

è la vena. E frena anche il pennino

che sopra il foglio stenta a prendere l’avvio

lesto di prima. Come contentino,

più che scrivere, mi limito a segnarmi

qualche appunto, ad annotarmi un pensierino,

facendo come colui che non ha fame

e mangiucchia. Ma pur se con fatica

ancor queste quattro rime metto in riga.