QUATTÒRZE D'AGOSTO di Fiorenzo Toso

No sò de ponti

Che seggian fæti

Atro che de voentæ

De mette insemme.

Ponti che n’appartegnan

Ne pertoccan

Ponti che semmo

Ponti ch’an da ëse.

No stæ à lasciâ che cazze

Quelli ponti,

Quelli che gh’emmo

Inte de niatri.

Se cazze i atri

D’äsâ e ciumento

Con dô giamin rouxia

S’inandian torna,

Ma i ponti ch’emmo drento

Emmo da fâli

Giorno pe giorno

Vitta pe vitta

Con tanto amô e paçiensa,

Coæ d’arentî rive

Che no son solo

Bòrdi de scciummæa.

Sensa ponti into cheu

No resta ponti

Che vagghe a peña

De tiâ sciù unn’atr’òtta.

Fiorenzo Toso - Dialetto di Arenzano

Dall'omonima pagina Facebook.

QUATTORDICI AGOSTO

Non conosco ponti

che siano fatti

d’altro che volontà

di unire.

Ponti che ci appartengono

ci spettano

ponti che siamo

ponti che devono essere.

Non lasciate che cadano

quei ponti,

quelli che abbiamo

dentro di noi.

Se cadono gli altri,

di acciaio e cemento

con dolore fatica rabbia

si possono riedificare,

ma i ponti che sono in noi

dobbiamo costruirli

giorno per giorno

vita per vita

con tanto amore e pazienza

voglia di avvicinare rive

che non siano soltanto

le sponde di un fiume.

Senza ponti nel cuore

non rimangono ponti

che valga la pena

di ricostruire.