martedì 18 giugno 2019

U FIGU di Emilia Ramò


Erburu che, au nostru tempu andau,
u levava a cuvea, ma de ciü a fame;
inte 'sti zerbi, rusteghin o curtivau,
gajardu u l'éira de früütu e de fujame.

Erburu presiùusu e tantu antigu,
bèn difeesu, prutetu e rispetau.
D'acordiu, u l'è sulu che in figu,
ma ciü d'in poveretu u l'ha assavau.

Belune, turrane, briassote,
pissalüte, türche, verdepasse
e autre calità a tüti note,
a buca da indursì e perlecasse.

Avù i sun invedrina, int'in sestin:
bèn messe, cun garibu piài
e préixi d'alegerì a staca fin a-a fin.
Cheli tempi uramai i sun passai.

A garsuneta, pöi, nu e po' mangià,
i gh'arrutunda a vita: i a fan ingrascià.



Emilia Ramò – Dialetto di Sanremo


IL FICO

Albero che, nel tempo passato,
toglieva la voglia, ma di più la fame;
in quegli incolti, selvatico o coltivato,
gagliardo era di frutto e di fogliame.

Albero prezioso e tanto antico,
ben difeso, protetto e rispettato.
D'accordo, è solo che un fico,
ma più di un poveretto ha saziato.

Belune, turrane, briassote,
pissalüte, türche, verdepasse
e altre varietà note a tutti,
la bocca da addolcire e leccrsi i baffi.

Ora sono in vetrina, nei cestini:
ben messe, presi con grazia
e prezzi da alleggerire la tasca fino alla fine.
Quei tempi oramai sono passati.

La bambina, poi, non le può mangiare,
le arrotondano la vita: fanno ingrassare.

Nessun commento: