NO CIANZE, AMIGO di Alba Toscanini

No cianze, amigo,

se sa ch’a ven pesante a reua do tempo,

ogni giorno de ciù; a votte te pä

ch’a te veugge sciaccâ comme un magheu,

invece a te spremme solo un pö

pe fâ sciortî tesori da-o teu cheu.

E ti vegni ricco anche sensa palanche,

no gh’é ciù sbäre che te peuan serrâ,

da-e gagge di dolori e deluxioìn

ti t’accorzi che l’é façile scappâ.

E o cheu o se fà mainâ de taera ferma,

ghe basta ‘na barchetta de pappê

pösâ in sciö pei de l’ægoa da un figgieu

pe sarpâ pe-e tære ciù lontann-e

in sce l’onda di seunni caessâ d’arbaxïa;

o un öchin de mâ ch’o gallezza

co-e äe desteize in to vento

pe insciâ a seu vèia e xeuâ

in to çe da fantaxia.

No cianze, amigo, o-o so che çerte votte

o dolore o te fa sentî

comme o sexendê in to gotto

quande l’euio o sta quaexi pe finî;

no cazze in to zêo da solitudine,

no lasciäte asmortâ da-a tristessa,

çerca e cose quëte che fan ben a-o cheu:

perché a feliçitæ

a l’é in te ‘na carezza.

Alba Toscanini – Dialetto di Genova

NON PIANGERE, AMICO

Non piangere, amico,

si sa che vien pesante la ruota del tempo,

ogni giorno di più, a volte ti sembra

che ti voglia schiacciare come un macigno,

invece ti strizza solo un po’

per far uscire tesori dal tuo cuore.

E diventi ricco anche senza soldi,

non ci son più sbarre che ti possano imprigionare,

dalle gabbie di dolori e delusioni

ti accorgi che è facile scappare.

E il cuore si fa marinaio di terra ferma,

gli basta una barchetta di carta

posata a pelo d’acqua da un bambino

per salpare per le terre più lontane

sull’onda dei sogni carezzata dalla brezza;

o un gabbiano che galleggia

con le ali distese nel vento

per gonfiare la sua vela e volare

nel cielo della fantasia.

Non piangere, amico, lo so che certe volte

il dolore ti fa sentire

come il lucìgnolo nel bicchiere

quando l’olio sta quasi per finire;

non cadere nel gelo della solitudine,

non lasciarti spegnere dalla tristezza,

cerca le cose quiete che fan bene al cuore:

perché la felicità

è in una carezza.