SAVUI DE CÀ NOSTRA di Gabriella Gismondi

I nostri veji cande i partiva pe' e Americhe

mai se scurdava de infirà

in ta mala o in ta mandià caicòusa

pe' fa rinasce luntan in po' da nostra tèra:

in scotu de vija, da tegnì bagnà in t'in strassu,

o in urivu pecin cun e so ràiixe,

parau da in po' de térò ümidu,

de semènse de baxaricò e de pumata,

in cavagnu de limui e de fighe seche,

in 'arbanèla de urive in  sarmuira.

I l'han sempre pensau che dunde u se va

u besögna purtà l'udù e u savù de cà nostra,

chelu che u ven da a cuxina

e che u te ence u cöe

prima ancù du stömegu,

udui e savui che ti l'hai drente

fin da a nascensa,

e i te suven i giurni passai,

e vùuxi che parlava in giargun

ciache giurnu, cume ina müüxica

che a te sona in tu sanghe.

U l'è passau tantu tempu

da chéle prime partense,

ma serte còuse i nu sun cangiae:

ancöi pe' u mundu u se tröva de tütu,

ma me nevu che u vive di là da a marina

u l'aspeita ancù u brücu cen de futigure,

perché cande u se dröve u munta,

cume pe' miraculu, u nuscu de cà,

chelu che u se ricunusce a öjj serai 

e pe' in mumentu u te fa esse in ta nostra tèra

prefümà de sarin, de pescau,

de ciante e de sciure

che sulu chì ti pöi truvà.

Gabriella Gismondi – Dialetto di Sanremo

Poesia che ha partecipato al “Giannino Orengo 2016”

SAPORI DI CASA

I nostri vecchi, quando partivano per le americhe

non dimenticavano mai di mettere

nella valigia o nel fagotto qualcosa

per far rinascere lontano un po' della nostra terra:

un tralcio di vite da conservare bagnata in uno straccio,

un ulivo piccolo con le sue radici,

protetto da un po' di terriccio umido,

dei semi di basilico e di pomodoro,

un cesto di limoni e dei fichi secchi,

un vasetto con le ulive in salamoia

hanno sempre pensato che è necessario

dove si va portare l'odore e il sapore di casa nostra,

quello che viene dalla cucina

e che ti riempie il cuore

prima ancora dello stomaco

odori e sapori che hai dentro dalla nascita

e ti ricordano i giorni passati,

e le voci che parlavano in dialetto

ogni giorno, come una musica

che ti suona nel sangue

è  passato tanto tempo

da quelle prime partenze,

ma certe cose non sono cambiate:

oggi per il mondo si trova di tutto,

ma mio nipote che vive di là dal mare

aspetta ancora il pacco di leccornie,

perché quando si apre sale,

come per miracolo il profumo intenso di casa,

di ciò che si riconosce a occhi chiusi

e per un momento ti fa essere nella nostra terra

profumata di salmastro e di pescato, di piante  e di fiori

che solo qui puoi trovare.