domenica 7 agosto 2016

U BAIXIN DA MÙNEGA di Dino Ardoino


Me’ màire ch’a temeva che d’estàe,
scicume a l’éiru magru da garsun,
u me purtesse danu u sù in leùn,
faghèndu taixe scrüpuli e anscetàe

a m’ha mandau – dui méexi pe’ stagiun -
ae Culonie de Nava. Spenscïeràe
vacanse ch’a nu l’ho mai ciü scurdàe!
U se durmiva drente a in gran stansun

tüti canti int’u nostru letin giancu
nurigai cun pascïènsa e bon imù
dae mùneghe ch’i ne staixeva a fiancu

giurnu e nöte. E a m’arregordu ancù
- scibèn che aa séira a fusse propiu stancu
de giöghi e spassegiate – cun che amù

üna a vegnisse a dame cian cianin,
prima ch’a m’adurmisse, u so baixin.



Dino Ardoino – Dialetto di Sanremo


IL BACINO DELLA SUORA

Mia madre che temeva che d’estate,
siccome ero magro da ragazzo,
mi portasse danno il solleone,
mettendo a tacere scrupoli e ansietà

m’ha mandato – due mesi per stagione -
alle Colonie di Nava. Spensierate
vacanze che non ho più dimenticato!
Si dormiva dentro ad un grande stanzone

tutti quanti nel nostro lettino bianco
accuditi con pazienza e buonumore
dalle suore che ci stavano vicino

giorno e notte. E mi ricordo ancora
- sebbene che la sera fossi proprio stanco
per i giochi e le passeggiate – con che amore

una venisse a darmi piano piano,
prima di dormire, il suo bacino.

Nessun commento: