Conscideraziöin de ‘n blocchetto de lûnäio
Tutt-e mattin ti me ne sccianchi ‘n fêuggio,
ti-o ströföggi e ti-o scenti in-to çestin,
m’assotiggio, divento ciù piccin
e giörno doppo giörno me desghêuggio.
Squæxi ti godi d’arrivâ a mæ fin,
m’agguanta ‘n pö ‘na maggia e arvì l’èuggio,
di cinquanta ti stæ pe montâ o schêuggio
e o no cangia da-o mæ a o tò destin.
Cöse-a l’è stâ gran sprescia d’arrivâ?
A vitta a l’è ‘na sciamma de brichetto
un pö de lûxe sûbito asmortâ.
Anchêu ti dæ inizio a-o tò blocchetto
ma comme t’incomensi a desfêuggiâ
ti ascî t’ë zâ a l’urtimo fêuggetto.
Carletto Ghigliotti – Dialetto di Varazze
FRETTA D’ARRIVARE
Considerazione d’un blocchetto di calendario
Ogni mattina tu me ne strappi un foglio,
lo stropicci e lo getti nel cestino,
mi assotiglio, divento più piccolo
e giorno dopo giorno mi disfo.
Quasi tu godi di giungere alla mia fine,
ma agguanta una maglia e apri l’occhio,
dei cinquanta che stai per montare lo scoglio
e non cambia dal mio al tuo destino.
Cos’è questa gran fretta di arrivare?
La vita è la fiammella di un fiammifero,
un po’ di luce subito .
Oggi dai inizio al tuo blocchetto
e come inizi a sfogliare
tu pure sei all’ultimo foglietto.
Nessun commento:
Posta un commento