Amüjai davale
int’in cantùn
u baštu
cun a sengia e u brilùn.
Aù cun l’Ape
da pòucu acatà
int’e aurive u pröava
andà.
A müra u l’ava senpre menà:
dui raji e càiche corpu de
fuétu;
ma cun l’Ape
u l’acumensava a süà,
nu l’èira cume apusà in
carétu.
Dopu èssise èscì ciavirau
cun u tenpu u l’ava ghidau.
I bériui u nu l’ava ciü duverai,
u nu neštegiava
mancu i prai.
De següru
ciü
pòuca fatiga e ciü aviàu.
De bèle vòute a pèi l'èira andau
stèndu a sènte i merli scibrà,
aù u burdelu u i fava šcapà.
Tütu lolì ghe dava a pensà
che besögnava pagà pe’ a “mudèrnità”.
A fin u se gh’èira abitüau,
numa in ciacrin gh’èira restau:
l’Ape du leame a nu n’averìa mai fau!
Mauro Maccario – Dialetto di Soldano
Poesia che ha partecipato al “Giannino Orengo”
– Edizone 2019
LA “MODERNITA’”
Accatastati di sotto in un angolo
il basto con il sottopancia e la cavezza con
paraocchi.
Adesso con l’Ape da poco acquistata
provava ad andare nell’uliveto.
Aveva sempre condotto la mula:
due grida e qualche colpo di frusta.
Ma con l’Ape cominciava a sudare,
non era come spingere un carretto.
Dopo essersi anche capovolto
con il tempo aveva appreso la guida.
Non usava più l’attrezzo per i fasci di fieno,
non ripuliva neanche più i prati.
Sicuramente meno fatica e minor tempo.
Molte volte era andato a piedi
ascoltando il fischio dei merli,
ora il rumore li faceva fuggire.
Tutto questo gli dava da riflettere
che la “modernità” aveva un costo.
Infine si era assuefatto,
gli era rimasto soltanto un cruccio:
l’Ape non avrebbe mai prodotto del
letame!
Nessun commento:
Posta un commento