lunedì 9 ottobre 2017

PESCÒU di Giovanni Ghione


O porto o l'é zà memoia.

In mëzo a 'n spegio de luxe
e l'emossion de l'onda
sbocca sotto a-a prua
o sprusso ch'o lampezza.

Pescòu, che ti vae
in sce conchigge luxenti
in mezo aa prie lisciae
con passi cadensae.

E tìa, e calla, e tìa,
feua da o tò pensiero
mâ e cresta d'onda
arco e lampezzâ de çê.

Barca, protession d'aegua
legno ch'o no ce scciappa
rae ch'a no se sccianca
lesca pe a tò pesca.

O sô a ponente
o chinn-a in sce 'na perla
e da-a sò carcascia
sciorte a neuo a lunn-a.

Scöre a prua in sce l'aegua
e veja beivan o vento
sciuscia zà o ritorno
inti spruin de l'arbô.

Zù into profondo
sotta paisetti verdi
gïa in riondo
a çittae di pesci.

nueva luxe a libera
o crïo di öchin
s'ammorta l'urtima stella
a-o borboggiâ de onde.

In quello grande mâ
dove o pensiero se spande
e o se confonde. Palpita
in sce l'onda un cheu affannòu
ancon, pescòu.



Giovanni Ghione - Dialetto di Varazze


PESCATORE

Il porto è già memoria.

tra un specchio di luce
 e l'emozione d'onda
sgorga sotto la prua
lo spruzzo che lampeggia.

Pescatore, che trascini i gesti
su lucide conchiglie
tra un sasso levigato
e un passo cadenzato.

E tira, e getta, e tira,
fuori dal tuo pensiero
mare e cresta d'onda
arco e abbaglio di cielo.

Barca, rifugio d'acqua
legno che non si spezza
rete che non si sfibra
esca per la tua pesca.

Il sole a occidente
naufraga su una perla
e della sua carcassa
esce a nuoto la luna.

Scivola la prua sull'acqua
le vele bevono il vento
soffia già il ritorno
nel zampillante albore.

Giù nel profondo
sotto villaggi verdi
gira in tondo
la metropoli dei pescatori.

La nuova luce libera
il grido dei gabbiani
si spegne l'ultima stella
al mormorio dei flutti.

in quell'immenso mare
ove il pensiero dilaga
e si confonde. Palpita
sull'onda un cuore
ancora, pescatore.
  

Nessun commento: