SE AVIÖ BEZEUGNO di Sandro Patrone

Se aviö bezeugno d’ëse consolòu

e no troviö due braççe spalanchæ

andiö pe i proèi, pe-i monti, pe-i strazetti

che m’han visto passâ quand’ëo figgeu.

Çerchiö l’ödô di funzi ch’ho attrovòu

tra feugge giäne e risse spampaggiæ,

veddiö formìgoe e tann-e de foinetti,

sentiö cantâ o frenguello e o roscigneu.

E là porriö incontrâme co-a poexia

cröxerossinn-a da malinconia.

Sandro Patrone – Dialetto di Genova

SE AVRÒ BISOGNO

Se avrò bisogno di essere consolato

e non troverò due braccia spalancate

andrò per i prati, per i monti, per i sentieri

che mi hanno visto passare quand’ero ragazzo.

Cercherò l’odore dei funghi che trovai

tra le foglie ingiallite e sparpagliati ricci di castagno,

riascolterò il canto dei fringuelli e dell’usignolo.

E là potrò incontrarmi con la poesia,

crocerossina della malinconia.