Strascinâ e öe comme ‘na ciatta veua,
co-o coverton pessòu, sperso, in sce l’òrsa,
tra o bollezzumme che o ne ven de feua
co-o sciòu do mà ch’o â fascia inta seu scòrsa.
Comme ‘na ciatta che a se scròlla a-o sô,
che a dà gommiae a-e ätre ciù vixinn-e,
‘na ciatta antiga, scciazza, nïo d’ödô
de peixe grega e d’ægua de sentinn-e.
E aspëtâ, sensa avei o cheu in guæra,
a çimma da barcassa e andâ a arreccheugge
da-o scàrego da draga i macchi e a tære
ò into recanto ascoso – e o bòrdu sgreuzzo
o çerca paxe inte l’ombra che l’ingheugge –
a rumenta da-o barco in sce l’ormezzo.
Angelo De Ferrari
– Dialetto di Genova
RIFLESSIONE
Trascinare le ore, come una chiatta vuota,
con il coperchio rattoppato, stinto, su di un
fianco
tra la maretta che arriva dal largo
col sapore del mare che l’avvolge dentro la
sua scorza.
Come una chiatta, che si dondola al sole,
che dà gomitate alle altre più vicine,
una chiatta antica, compatta, nido d’odore
di pece greca e di acqua di sentine.
Ed aspettare – senza più avere il cuore in
guerra –
la cima della barcaccia, e andare a
raccogliere
dallo scarico della draga pietre e terra
o nell’angolo nascosto – e il bordo grezzo
cerca pace nell’ombra che l’avvolge –
i rifiuti della nave ormeggiata.
Nessun commento:
Posta un commento