Doppo San Dexidëio a mæ stradetta
– grixa passaëa in sciö verde da collinn-a –
fra a persa, o baixaicò, l’insalatinn-a
e o romarin co-e réixe in ta mûagetta,
a monta scinn’a-i pê de ‘na gëxetta.
Un çê, sempre ciù triste, o cianze: spruinn-a;
veddo in sciä porta un vëgio ch’ s’inchinna
a Chi l’è in croxe sott’a-a campanetta.
Ancon un ciòcco, ‘n’ätro e o bronzo o taxe.
… Intro a braççetto a-o dô, vaddo a ‘na croxe
dove gh’è tanta, tanta, troppa paxe…
Mesch-cio due goççe a-o proìn sövia a so
letto,
ä ciammo… ma no sento ciù a so voxe…
Me segno… sciorto… co-o mæ dô a braççetto.
Bruno Micossi – Dialetto di Genova
A BRACCETTO AL MIO DOLORE
Dopo San Desiderio la mia
stradina
- grigia passerella sul
verde della collina –
tra la maggiorana, il
basilico, l’isalatina
e il rosmarino con le radici
nel muretto,
sale fino ai piedi di una
chiesetta.
Un cielo, sempre più triste,
piange: piovvigina;
vedo sulla porta un vecchio
che si inchina
a Cji è in croce sotto la
campanella.
Ancora un rintocco, un altro
e il bronzo tace.
… Entro a braccetto al
dolore, vado ad una croce
dove c’è tanta, tanta,
troppa pace…
Mescolo due gocce allo
spruzzo sopra il suo letto,
la chiamo… ma non sento più
la sua voce…
Mi segno… esco… con il mio
dolore a braccetto.
Nessun commento:
Posta un commento