U DEFISSIÉ di Aldo Bottini

De campagna in campagna a cavalu au mü,

apeexi au bastu bujöra e mutürà,

e urive ciü bèle u girava p’acatà,

untu e bisuntu; ancöi ti nu u véi ciü.

Au defissiu, pilà dopu pilà,

cun a forsa de l’aiga u e maixinava

e dai spurtin, suta u torciu, giü u curava

l’öriu “de ruju”, de prima calità.

Pöi, sensa rèn mai asgairà,

int’a seja, aa gala ormai muntau,

u s-ciümava chelu dìitu “lavau”

e u frantüme u serviva pe’ brüxà.

De valada in valada a cavalu au mü,

apeesa au bastu ina péle de crava,

ae casane l’öriu u ghe purtava,

untu e bisuntu; ancöi ti nu u véi ciü.

Aldo Bottini – Dialetto di Sanremo

IL FRANTOIANO

Di campagna in campagna a cavallo al mulo,

appesi al basto gli strumenti di misura,

le olive più belle girava per comprare,

unto e bisunto; oggi non si vede più.

Al frantoio, una vasca dopo l’altra,

con la forza idraulica le frangeva

e dai fiscoli, sotto il torchio, giù colava

l’olio di primo fiotto, di gran qualità.

Poi, senza mai sprecare nulla,

nel vascone, a galla ormai affiorato,

coglieva quello detto “lavato”

e la sansa serviva per combustibile.

Di vallata in vallata a cavallo al mulo,

appeso al basto un otre di pelle di capra,

ai clienti l’olio consegnava,

unto e bisunto; oggi non si vede più.