O PESCOU E O MA di Mario Monica

Descäso ‘n scïa battigia,

cö-e braghe redoggiae,

o l’ëa figgio d’arte:

pescòu comme sò poae!..

O l’aiva ‘n scïa sò faccia

scavae dall’aegua sâ

i sorchi da burrasca,

do Sciöco e do Gregâ.

Gh’ëa cao parlâ co-e stelle

e fâse ‘na pippâ,

a-o ciaeo da sò lampara,

de nêutte ‘n mezo a-o mâ.

O se bagnava a fronte

a-o paegio di mainae

baxando a medaggetta

ch’aveiva a-o collo a moae.

Mario Monica – Dialetto di Genova

IL PESCATORE ED IL MARE

Scalzo, sulla battigia

con i pantaloni ripiegati,

era figlio d’arte:

pescatore

come suo padre.

Aveva sul volto,

scavato dall’acqua salata,

i solchi della burrasca,

dello Scirocco e del Grecale.

Gli piaceva parlare con le stelle

e farsi una pipata

al chiaro della sua lampara,

di notte, in mezzo al mare.

Si segnava la fronte,

uguale ai marinai

baciando la medaglietta

che aveva avuto al collo la madre.