PESCOU PE FORSA di Antonio Canepa

A ghe l’avéiva dïto ciaeo e netto:

“Ammìa Berto, se ti vae in penscion,

th’hae da savéi che mì no te permetto

de stäme chì pe’ i pê a fâ o pellandron!”

Coscì, da penscionòu, Berto o partiva

con a borsinn-a, a canna, e lesche e tanto

magon verso a sò ciazza; o se o sentiva

che a moggê a l’avéiva un ätro “incanto”.

O stava tutto o giorno sorva i scheuggi

solo, triste, a fâ fi nta de pescâ

e, ogni tanto, o s’asciugava i euggi;

quaexi o no s’incallava a ritornâ.

……………………………………….

Da troppo ormai spëtavan ch’o tornesse;

son andaeti a çercälo preoccupae

e l’han trevòu, pàiva ch’o pisaggesse’,

i pochi amixi che gh’ëan restae.

O sguardo o l’ëa ancon a-o sô diretto,

ma lê o l’ëa morto. Desteiso, accoegòu,

o l’avéiva in ta man stréito un biggetto:

“Savéivo tutto, ma t’ho perdonòu”.

Antonio Canepa – Dialetto di Genova (Valpolcevera)

I classificato al Premio Alassio – Anno 2001

PESCATORE PER FORZA

Glielo aveva detto forte e chiaro:

“Guarda Berto, se vai in pensione,

devi sapere che non ti permetterò

di starmi per i piedi a fare il fannullone".

Così, da pensionato, Berto partiva

con la borsina, le canne, le esche e molta

angoscia verso la sua spiaggia; se lo sentiva

che la moglie aveva un altro “incanto”.

Rimaneva tutto il giorno sugli scogli

solo, triste, a far finta di pescare

ed ogni tanto si asciugava gli occhi;

sembrava non osare tornare a casa.

…………………………………….

Da troppo attendevano che ritornasse;

sono andati a cercarlo preoccupati

e l’hanno trovato, sembrava dormire,

i pochi amici che gli erano rimasti.

Lo sguardo era ancora diretto verso il sole,

ma lui era morto. Disteso, coricato,

teneva stretto in mano un biglietto:

“Sapevo tutto, ma ti ho perdonato!”