martedì 17 luglio 2018

DRITTO E REVERSO di Danila Olivieri


                                    
Poei desgarbuggiâ a matassa
intortignâ da vitta
e tornâ a inghêugge o fî de lann-a
in gïo a-o nïo segûo
da stansa de l’infançia,
quande l’existensa a gh’aveiva o gusto
do canastrello da festa,
intreççòu comme e föe, e stöie
o e dïe inte seie de burrasca.
E poi risentî a cantigöa  lenta
de döçi voxi
da nonna e da mamma.

Dritto e reverso
‘na maggia calâ à dritta
…mi creddo che a vitta          
a gh’agge sempre ‘n senso…
Dritto e reverso
doe magge piggiæ insemme
…e che e ferïe l’aggiùttan à cresce…
Dritto e reverso
…tègnilo sempre à mente
inti momenti de magon…

A l’ea quëte a neive
che a vegniva zù da-o çê
co-i fiori do çexo e do mei
e a dilagàva inta stansa
scadâ da ‘n camin
che inte l’äia o spandeiva zimme
de teniessa e de sapiensa.



Danila Olivieri – Dialetto di Genova


DIRITTO E ROVESCIO

Poter disciogliere la matassa
attorta della vita
e poi riavvolgere il filo di lana
intorno al nido sicuro
della stanza dell’infanzia,
quando l’esistenza aveva il sapore
della ciambella della festa,
intrecciata come le fiabe, le storie
o le dita nelle sere di tempesta.
E poi risentire la cantilena lenta
delle dolci voci
della nonna e della mamma.

Diritto e rovescio
una maglia calata a destra
…io credo che la vita
abbia sempre un senso…
Diritto e rovescio
due maglie prese insieme
…e che le ferite aiutino a crescere…
Diritto e rovescio
…ricordalo sempre
nei momenti di sconforto…

Era quiete la neve
che scendeva dal cielo
con i fiori del ciliegio e del melo
e dilagava nella stanza
scaldata da un camino
che nell’aria effondeva faville
di tenerezza e di saggezza.

Nessun commento: