U BRANDACUIUN di Vincenzo Jacono

Fai buie u stucafissu a so duvé,

Cun de patate ascì; a sta pignatà

De sboba inta süpèira faighe fa

Cu a cassa lasagnàira Sanmiché.

Desfregüiàira ciü o menu, a piaixé;

Fàighe ciœve desciü ina gragnœrà

D’aiu e prunsemu, in giüsta cantità,

inseme tritulai in sci u taié.

Rusci d’œvu azunzei, de l’œriu s-cetu,

De l’agru de limun – D’in capeletu

De s-ciapu sta süpèira fai scignura,

Ch’u crœve ben, e cu e due mae, avura

Brandàira, e cun sta urtima funsiun,

U vostru i l’avei fau u brandacuiun.

Vincenzo Jacono – Dialetto di Sanremo

LO STOCCAFISSO ALLA MARINARA

Fate bollire lo stoccafisso a suo dovere,

Con delle patate; a questa pentolata

Di miscuglio nella zuppiera fateci fare

Con la schiumarola, trasloco.

Sbriciolatela più o meno, a piacere;

Fateci piovere sopra una gragnuolata

D’aglio e prezzemolo, in giusta quantità,

Assieme tritati sul tagliere.

Rossi d’uovo aggiungete, dell’olio schietto,

Dell’agro di limone – Per cappellino

Mettetici un piatto e fate signora questa zuppiera,

Che la copra bene, e con due mani, adesso

Brandeggiatela, e con questa ultima funzione

Avete fatto il vostro stoccafisso alla marinara.