A FESTA DA VILETA di Aldo Bottini

Sanremo - N. S. della Villetta

U s’acumensava cun a nuvena,

e funsciun i l’éira assai sentìe.

A vuuxe acüta de Madalena

a intunava laude e litanìe.

De strade alura u nu ghe n’éira,

delongu a pè u se caminava:

dau Ciüchetu cume daa Braghéira

cun a lantèrna i s’arrecampava.

Dai Curbinéi e lagiü dai Pali,

da Mezu Munte, daa Costa de Magnan;

canti viègi, caregà a chintali

a gh’à fau fina a soma de Custan.

Int’i giöghi de boce, giü dabassu

sèrti i dìixe che u Ninu Butin

cand’u nu e perdeva da balasse

u e meteva tüte sce-u balin.

U se sentiva ratelà da l’ustaria

Venansiu cun u cumpagnu ch’au scubun

rumpèndu i sète i han pagàu partìa:

«Bàlate u fante, tocu d’in sücun!»

Ai zùeni pe’ balà pòucu u bastava:

in’armonica o dui dischi derenài;

Fiurindu cande cun u Geniu i sunava

a Migliavacca a nu l’amu ciü scurdài.

In cunclüxun u gh’éira a regineta;

ancöi a l’è “Miss”, i tèmpi i sun scangiài,

bali növi, rustèle da Antuniéta,

strümènti lüxènti e sufisticài,

ma a tradissiun a nu se perde mai!

Aldo Bottini - Dialetto di Sanremo

LA FESTA DELLA VILLETTA

Si cominciava con la novena,

le funzioni erano assai sentite.

La voce acuta di Maddalena

intonava lodi e litanie.

Strade allora non ce n’erano,

sempre a piedi si camminava:

dal Ciucchetto come dalla Braghéira

arrivavano con la lanterna.

Dai Curbinéi e laggiù dai Pali,

da Mezzo Monte, dalla Costa di Magnan;

quanti viaggi caricata a bèi quintali

vi ha fatto anche l’asina di Costanzo.

Nei campi da bocce, giù di sotto,

certi dicono che Nino Bottini

quando non le perdeva da minchione

le metteva tutte sul pallino.

Si sentivano bisticciare dall’osteria

Venanzio col compagno che a scopone

sparigliando i sette avean perso la partita:

«Giocati il fante», pezzo d’uno zuccone!”

Ai giovani per ballare poco bastava:

una fisarmonica o due dischi malandati;

Fiorindo quando con Genio suonava

la “Migliavacca” non li abbiamo più scordati.

In conclusione c’era la reginetta;

oggi è “Miss”, i tèmpi son cambiati,

danze nuove, rostelle da Antonietta,

strumenti lucenti e soffisticati,

ma la tradizione non si perde mai!