TÆRA SMARRÏA di Angelo Pesce

Tæra smarrïa pensosa ti t’ascundi,

o teu silensio o me röde a memöia

comme un canto sottî drento a mæ stoia

de figgeu, quando speranse de mondi

fæti de seunni, de ombre di monti

de fiuri, açeisi comme candeie

in sce l’artâ, piccin-e gianche veie

desperse, ëan o lumme do mæ canto.

Oua e ciæbelle en troppo distante,

e a föa antiga a s’è persa in te seie

da l’ödô de mimosa che a-o vento

a se spandeïva a traverso e mæ vie;

òua o silensio l’è tutto o tò tempo,

che lento, comme unna nûvia, o va via.

Angelo Pesce – Dialetto di Genova

TERRA SMARRITA

Terra smarrita, pensosa ti nascondi;

il tuo silenzio mi consuma la memoria,

come un canto sottile dietro la mia storia

di fanciullo, quando speranze di mondi

fatti di sogni, di ombre di monti,

di fiori, accesi come candele

sull’altare, piccole bianche vele

disperse, erano la luce del mio canto.

Ora le lucciole sono troppo distanti,

e la favola antica si è persa nelle sere

dall’odore di mimosa che al vento

si spandeva attraverso le mie vie;

ora il silenzio è tutto il tuo tempo,

che lento, come una nuvola, va via.