A PIGA di Dino Ardoino

Damèntre ch’a lavava u so fiurin

ina spusina a vé che in fundu aa schéna,

propiu dunde a se fa ciü runda e céna

a parte bassa, u spica in granelin

scüru. A l’è ina couseta apena apena

visibile, in semplice purrin

sènsa impurtansa, tantu u l’è pecin.

Ma stu negrüme u tèn a màire in péna,

au puntu ch’a decide ina matin

de dumandà cunseju a so mariu.

Lei u ghe garda e pöi da omu fin,

ma ch’u ha l’öju fuin e degurdiu,

u ghe dìixe: «Nu state a fà ciacrin,

a l’è sulu ina piga e nostru fiu

u l’è san. Ti n’hai üna lì ascì tü

e forsci a te fa bèla ancù de ciü».

Dino Ardoino – Dialetto di Sanremo

IL NEO

Mentre lavava il suo figlioletto

una sposina vede che in fondo alla schiena,

proprio dove si fa più rotonda e piena

la parte bassa, spicca un granellino

scuro. È una cosetta appena appena

visibile, un semplice neo

senza importanza tanto è piccolo.

Ma questo nerume tiene la madre in pena

al punto che decide un mattino

di domandar consiglio a suo marito.

Lui guarda e poi da uomo fine,

ma che ha l’occhio smaliziato ed esperto,

le dice: «Non starti a fare crucci,

è solamente un neo e nostro figlio

è sano. Ne hai uno lì anche tu

e forse ti fa bella ancor di più».