Int’in silençiu de morte
dopu i crépi d’ê bumbe,
fra càe derrucàe
e ruvine brüxatàe,
i nu’ ciagne ciü...
Numia de giögà sansussì,
a sténtu scampài
fra e prie e i cauçinàssi
ch’i l’an suterài,
i nu’ ciagne ciü...
Ferì e insanghenài,
stanchi e amagurài,
strapérsi int’in infernu
de patiméntu e terù,
i nu’ ciagne ciü...
Cu’a buca e i ögli
cen de tèrra e de püra
e cu’i cavégli desberì
agrumài de sanghe,
i nu’ ciagne ciü...
Da pe’ eli e abandunài
int’u mézu d’ina ghèrra
ch’a gh’à robàu tütu,
spece l’inucénça,
i nu ciagne ciü...
Nasciüi int’in mundu
che pe’ eli u nu’ gh’à ögli
e dùve mancu u sòu Diu
u se ferma a mirà,
i nu’ ciagne ciü...
i nu’ gh’an ciü làgrime...
Roberto Rovelli – Dialetto de La
Mortola
NON PIANGONO PIÙ...
(i bambini di Aleppo)
In un silenzio di morte
dopo i boati delle bombe,
fra case diroccate
e rovine bruciacchiate,
non piangono più...
Invece di giocare spensierati,
a stento sopravvissuti
fra le pietre e i calcinacci
che li hanno sotterrati,
non piangono più...
Feriti e insanguinati,
stanchi e ammaccati,
sperduti in un inferno
di sofferenza e terrore,
non piangono più...
Con la bocca e gli occhi
pieni di terra e di polvere
e con i capelli arruffati
incrostati di sangue,
non piangono più...
Soli e abbandonati
nel mezzo di una guerra
che gli ha rubato tutto,
specialmente l’innocenza,
non piangono più...
Nati in un mondo
che per loro non ha occhi
e dove nemmeno il loro Dio
si ferma a guardare,
non piangono più...
non hanno più lacrime...
Nessun commento:
Posta un commento