DÌGHERU… di Mario Saredi

Fame u piaixé,

dìgheru in po’ aiscì tü.

Gh’u digu tüte e nöte

de candu stàvimu arènte

a gardà u sù 

ch’u möiriva,

lansènduse bèlu assésu

int’a marina.

Stàvimu cuscì

fina a candu

scciairiva

a noscia stéla.

Nu se digàvimu ren

o pocu,

ma chelu che sentìvimu,

a me digava,

nu l’averéscimu

scurdau mai ciü.

E u nòsciu respirà,

u l’éira ün sulu.

Dìgheru aisci tü,

de chela matìn

ch’avému aspèitau

l’aigàglia,

sensa sènte u frèidu

pe’ a carù ch’avìvimu drente.

Dìgheru, pe’ piaixé,

dìgheru pe’ mi…

Mario Saredi – Dialetto di Camporosso

DIGLIELO…

Fammi il piacere,

diglielo un po’ anche tu.

Glielo dico tutte le notti

di quando stavamo accanto

a guardare il sole

che moriva,              

gettandosi ancora acceso

nel mare.

Stavamo così

fino a quando

si accendeva

la nostra stella.

Non dicevamo nulla

o poco,

ma quel che sentivamo,

mi diceva,

non l’avremmo

dimenticato mai più.

Il nostro respirare,

era uno solo.

Diglielo anche tu,

di quel mattino

che abbiamo atteso

la rugiada,

senza sentire il freddo

per il sentimento che ci univa.

Diglielo, per favore,

diglielo per me...