REVIVE di Fernando Bagnoli

                                    

Stu veju ritratu c’a go in te mae

u l’è stau piau tanti agni  fa, uramai;

ina zina u l’attraversa e u l’è fina in po’ sturburu

ma i ve se pon ancù viè trei zùenetti assetai

in tu prau de San Romilu, veixin

a-a baraca de Virginia e de Petrin.

I sun Franco, Renato e Tunin 

(avù i sun in te brasse du Segnù)

a i gardu cun pecundria e cun amù

e, tüt’asseme, u me pà

de vieli rie, curre e giügà

cume  faxevimu da zùeni, alantù.

Dai dui lai du ritratu a vegu entrà, dapöi,

tüti d’età pareschi a nui, autri fiöi

cuscì a avaru d’assuciame a-a cumpagnia

e a riu, a curru e a giögu cun tüti canti

e, a-a fin, a s’afermamu, süai e strachi,

pe’ pià u sciùsciu e ina gurà d’aiga, in alegria.

Ma, avù, vegu cheli entrai dai lai

andassene, d’aciatun, de dunde i sun vegnüi,

cuscì fina mi me ne sciortu, e a m’aretrövu

cu in te mae u ritratu duve i sun, assetai,

Franco, Renato e Tunin; veixin  

a-a baraca de Virginia e de Petrin.

Fernando Bagnoli – Dialetto di Sanremo

RIVIVERE

Questa vecchia fotografia che ho in mano

è stata presa tanti anni fa, ormai;

una incrinatura l’attraversa e non è neanche molto chiara, 

ma vi si possono ancora vedere tre giovanetti seduti 

nel prato di San Romolo vicino 

alla baracca di Virginia e di Petrin.

Sono Franco, Renato e Tunin

(ora sono nelle braccia del Signore)

li guardo con malinconia e con affetto 

e, all’improvviso, mi pare

di vederli ridere, correre e giocare

come facevamo da giovani; allora.

Dai due lati della fotografia vedo entrare, poi,

tutti della nostra età, altri ragazzi 

così decido d’ unirmi alla compagnia 

e rido, corro e gioco con tutti quanti 

ed, infine, ci fermiamo sudati e stanchi,

per riprendere fiato e bere un sorso d’acqua, in allegria.

Ma, ora, vedo quelli entrati dai lati

andarsene, di nascosto, da dove sono venuti,  

così anch’io esco, e mi ritrovo 

con in mano la fotografia dove sono, seduti, 

Franco, Renato e Tunin, vicino 

alla baracca di Virginia e di Petrin.