domenica 5 novembre 2017

A TARPA di Dino Ardoino


Sta tìmida bestiéta, ch’a s’intana
aa càussa d’ina ruve o d’in maixé,
a nu mérita a nòmina nustrana
ch’a n’aa depénze – va a savé perché –

nun gàiri aspèrta. Forsci a ne pa’ strana
cua còusa ch’a s’intèrra per puré
dai söi nemiixi stàssene luntana,
o forsci u l’è percòuse a nu ghe vé

bèn cun i öji pòucu acustümài
aa lüüxe viva. A passa l’invernà
durmèndu in sgarbi sciüüti e reparài

dau fréidu e a s’adescìa cande Frevà
u làscia u postu ai giurni za alungài
de Marsu. Ma sta tarpa atambanà

a nu u dev’esse se i n’han fau l’emblema
d’ina spia fürba ch’a se finze scema.



Dino Ardoino – Dialetto di Sanremo


LA TALPA

Questa timida bestiola, che s’intana
al piede d’una quercia o d’un muretto,
non merita la nomea nostrana
che ce la dipinge – va a saper perché –

non molto esperta. Forse ci sembra strana
con la cosa che s’interra per poter
dai suoi nemici starsene lontana,
o forse per il fatto che non ci vede

bene con gli occhi poco avvezzi
alla luce viva. Passa l’invernata
dormendo in buchi asciutti e riparati

dal freddo e si sveglia quando Febbraio
lascia il posto ai giorni già allungati
di Marzo. Ma questa talpa sciocca

non lo dev’essere se ne hanno fatto l’emblema
d’una spia furba che si finge scema.

Nessun commento: