Scheuggi che o mâ o
perlecca
comme un mignin o læte,
e nuvie se son sfæte
a-o sciòu da tramontann-a
che a cöre o lasco sensa fin
di orizzonti main
‘na veia solitäia
a vive d’äia
e a se zinzann-a
comme un figgeu da nascion,
réçita a ciazza antighe litanìe
regòrdi de sô lion,
son smaxïe
pe-e stradde e ùrtime figùe
végnan e öe nùe
à portâme a-i confin
de âtre stæ,
accattàvimo a-e neutte
i so incanti
longo e piste ænose
imaginæ
insòlite avventùe
respïi e scilensi
co-o cheu in allarme
e tra un bruxâ de stelle
ferma a Croxe do Sud
de d’äto a-i fùrgai réddeni de parme.
Onda longa a se franze
questa seia
e l’ànima a no sa
se rïe ò cianze.
Ma a l’è lazzù into sô
a nòstra veia.
Angelo De Ferrari – Dialetto
di Genova
LA NOSTRA VELA
Scogli che il mare lambisce
come un gattino il latte,
le nuvole si sono disfatte
all’alito della tramontana
che corre il lasco infinito
degli orizzonti marini
una vela solitaria
vive d’aria
e si gingilla
come un neonato,
recita la spiaggia antiche
litanie
ricordi di solleone,
sono sparite
dalle strade le ultime
figure
vengono le ore nude
che mi portano ai confini
di altre estati,
compravamo alle notti
i loro incanti
lungo le piste sabbiose
immaginate
insolite avventure
respiri e silenzi
con il cuore allarmato
e tra un bruciare di stelle
ferma la Croce del Sud
sopra i raggi irrigiditi
delle palme.
Onda lunga si frange
questa sera
e l’anima non sa
se ridere o se piangere.
Ma è laggiù nel sole
la nostra vela.
Nessun commento:
Posta un commento