VËGIO NAVIGANTE di Renzo Ferrari

Quante votte te veddo
assettòu da quelli scheuggi
co-a faccia pensierosa
e i euggi persi 'n mâ!
Quello mâ ch' o t' abbrassava
e o t' impiva i euggi
quande 'n scï barchi
ti gïavi o mondo.
Ôua vëgio, con a pippa a-i denti
e 'na venn-a de nostalgia a-o cheu,
ti stæ lì e ti pensi.
Forse mentre te daggo a mente
co-a testa t' ë distante
a bordo quarche Conte
co-a prua 'n sce New York
o forse in gïo pe quarche porto
in çerca de bon
doppo 'n meize de navigazion...
Quarche votta son tentòu de parlâte
ma saieiva comme addesciâ 'n figgieu
ch' o dorme chinnòu da sò mammà
e pe ti, vëgio navigante,
comme streppâ ûn zuéno
da-e braççe da galante...

Renzo Ferrero – Dialetto di Genova

Agosto 2000

VECCHIO NAVIGANTE

Quante volte ti vedo

seduto da quegli scogli,

con la faccia pensierosa

e gli occhi persi in mare !!
Quel mare che ti abbracciava

e ti riempiva gli occhi,

quando sulle navi

giravi il mondo.
Ora vecchio, con la pipa ai denti

e una vena di nostalgia al cuore,

stai lì e pensi.
Forse mentre ti guardo,

con la testa sei distante,

a bordo di qualche Conte,

con la prua su New York

o forse in giro per qualche porto

in cerca di buono

dopo un mese di navigazione...
Qualche volta sono tentato di parlarti,

ma sarebbe come svegliare un bambino

che dorme cullato da sua madre

e per te, vecchio navigante,

come strappare un giovane

dalle braccia della fidanzata...