ATTEISA di Danila Olivieri

Ơgni cosa – sta seia –

a sûssûra inte l’äia –

e collinn-e curve de çê

e parme abbraççæ da-o vento

o cigno in scê l’ægua

do sciûmme sarmâxo

che regale o scûggia lento.

A-o crepuscolo o ponte

o spëgia e o fâ doppi i archi

e i lûmmi di lampioin

- riflessi in mâ - piggian o largo…

In sciô fî de l’orizzonte

a speransa a destende

infinïa curva d’abbrasso –

inte l’äia ciccioëzo

de lûxe che a no sâ moi,

atteisa mai arreisa a-a seia.

Danila Olivieri – Dialetto di Genova

ATTESA

Ogni cosa – stasera –

sussurra nell’aria –

le colline curve di cielo

le palme abbracciate dal vento

il cigno sull’acqua

del fiume salmastro

che regale scivola lento.

Al crepuscolo il ponte

specchia e raddoppia gli archi

e i lumi dei lampioni

- riflessi nel mare – prendono il largo…

Sul filo d’orizzonte

la speranza distende

infinita curva d’abbraccio –

nell’aria mormorio

di luce che non sa morire,

attesa mai arresa alla sera.