Drövu a fenestra, davanti a mi gh’è u mà:
da loche paresce a se mete ben a giurnà.
Lagiü a levante gh’è già in gran ciairù
arba rösa, pöi l’auröra russa, u se leva u su.
Intantu che se dröve autri barcui,
insce a marina vöri de margui.
In batelu, in pescaù ch’u rema
sensa savé se u gagnerà sdernà e çena.
In ta ciasseta ramassa già u spassin,
ina dona a passa, cun bursa e cavagnin.
I se salüa de cuita, i an da fa prestu,
dau furnu lì veixin audù de pan frescu.
In teitu, dui passuroti cun vöru lestu, asbigliu
i se dan da fa pe’ alestisse u niu.
Da logni se sente u baunà d’in can
u fa du sou megliu pe’ agagnasse u pan.
Ina vuxe ch’a me ciama: – vegni drente Luré –
l’è me mugliè ch’à l’à apruntau u solitu café.
Vurereva sta ancù in po’, sulu in pà de menüti,
ma a loche gh’on davanti ghe devu fa i salüti.
Perché aiscì mi, che sun in poveru cristian,
devu asbascià a schina: vagu a gagname u pan.
Ma… a l’è ina bela matinà.
Mario Armando – dialetto di Bordighera
MATTINATA
Apro la finestra, di fronte a me c’è il mare
da ciò che appare si mette bene la giornata.
Laggiù a levante c’è già un gran chiarore
alba rosa, poi l’aurora rossa, si leva il sole.
Intanto che si aprono altri balconi,
sul mare voli di gabbiani.
Una barca, un pescatore che rema
senza sapere se guadagnerà pranzo e cena.
Nella piazzetta scopa già lo spazzino,
una donna passa, con borsa e cestino.
Si salutano fugacemente, devono far presto,
dal forno lì vicino odore di pane fresco.
Un tetto, due passerotti, con volo lesto, vivace
si danno da fare per terminare il nido.
Da lontano si sente abbaiare un cane
fa del suo meglio per guadagnarsi il pane.
Una voce mi chiama: - vieni dentro Lorenzo –
è mia moglie che ha preparato il solito caffè.
Vorrei rimanere ancora un po’, solo un paio di minuti,
ma a ciò che ho davanti devo fare i saluti.
Perché anch’io, che sono un povero cristiano,
devo abbassare la schiena, vado a guadagnarmi il pane.
Ma… è una bella mattinata.
