UNNA STÖIA FINÏA di Angelo De Ferrari

Aspëto

into queto retaggio do tempo

che o ræo scilensio

o me ciamme

vegniva e seiann-e

à fâne caladda d’in gïo,

a stradda d’antighi lastroin

a regallava lampioin

indiscreti

che o sô di teu euggi o ammortava.

‘Na bixa de aïa scontenta

a tenta

de fâme scordâ

unna çerta giornâ

o sarmaxo

de un ùrtimo baxo,

a man streita a-a mæ

che a bruxava…

Aspëto

inte l’äia abbrensoïa

de repassâ

unna stöia finïa.

Angelo De Ferrari – Dialetto di Genova

UNA STORIA FINITA

Aspetto

nel quieto ritaglio del tempo

che il rado silenzio

mi chiami

venivano le serate

a fare chiasso intorno anoi,

la strada di antiche lastre

regalava lampioni

indiscreti

che il sole dei tuoi occhi spegneva.

Un filo d’aria scontento

tenta

di farmi dimenticare

una certa giornata

il salmastro

di un ultimo bacio,

la mano stretta alla mia

che bruciava…

Aspetto

nell’aria intirizzita

di ripassare

una storia finita.

INA VITA di Gabriella Gismondi

Avù

ch’a a nu ghe vegu ciü,

a lezu cu-a sima de die

u tempu passau

e suta ae man a sentu

u fudà de téra,

rüstegu,

cume me maire,

avara de abrassi

e de parole,

che a me sciügava

e lagrime

cu-u peixin

e a me cunsulava

di mei ciacrin,

posandu u so parmu düru

in sci-a me testa,

cume ina caressa.

U nu me serve u speju,

i nu me serve i öji

pe’ cuntà e rape

in sce-u mei grifu,

in anu deré l’autru

i l’han scavau

se sun destese:

taragnae, recami,

sarsiüre.

Ina facia desgainà:

scorsa de urivu veju,

che noma e sime de me die

i pan ricunusce.

Gabriella Gismondi – Dialetto di Sanremo

UNA VITA

Adesso,

che non ci vedo più,

leggo con la punta delle dita

il tempo passato

e sotto le mie mani sento

il grembiule di tela,

rude,

come mia madre,

avara di abbracci

e di parole,

che mi asciugava

le lacrime

con l'angolo (del grembiule) 

e mi consolava

dei miei crucci,

posando il suo palmo duro

sulla mia testa,

come una carezza.

Non mi serve lo specchio,

non mi servono gli occhi

per contare le rughe

sul mio viso,

un anno dietro l’altro

lo hanno scavato

si sono distese:

ragnatele, ricami,

rammendi.

Un volto sfasciato:

corteccia di ulivo vecchio,

che solo la punta delle mie dita

sembrano riconoscere.

SENSA TITOLO di Danila Olivieri

Orriæ ch'a vegnisse a primmaveja

quande a luxe a rexiste,

mai arreisa a-a seja,

e a me dixesse: saiò lègia

no te faiò mâ.

E mi continuæ coscì quèta

in bici a pedalâ

incontra a quella luxe che adaxo

a se consumma in sciô mâ

finn-a a scentâse inte l'orizzonte

donde o sô o se fa tagnâ

de feugo, in sce l'ægua pösâ.

Danila Olivieri – Dialetto genovese del Tigullio

SENZA TITOLO

Vorrei che venisse a primavera

quando la luce resiste,

mai arresa alla sera,

e mi dicesse: sarò lieve

non ti farò male.

E io continuerei così quieta

in bicicletta a pedalare

incontro a quella luce che lenta

si consuma sul mare

fino a sparire nell'orizzonte

dove il sole si fa ragnatela

di fuoco posata sull'acqua.

A RETORICA di Ovidio Bosio

L’uratoria a nu l’è ina döte

de i intemelii candu i discüte

e i nu çerca de fà impresciun

zirandu inturnu a ina chestiun

cun de parole che i nu vön dì ninte

pe fà corpu in sce chi sta a sente.

      Nui avançamu in sci intu parlà

      e u sciau l’üsamu numa pe respirà.

      Andamu driti ai ubietivi

      e nu zirundamu a çercà agetivi.

      Se a dumanda “Perchè ?” i n’an fau

      “Percose scì!” replicamu stringau.

Autri in scangiu i l’üsa l’eluquença

e u parlà ben pe custrüì u cunsensu.

A verità a nu l’è a sula cunclusiun

a nui interessa numa avè raixun.

Nu cunta cose se dixe ma u modu

pe abazurà e gente e ligala a in ciodu.

      U parlamentu u l’è cume in scontru,

      ina lota cun argumenti a cunfruntu

      e ugnün vö sempre avè a megliu

      e de avè tortu nisciün u l’à vöglia.

Besögnereva de e parole apropriasse

tra begariçie e uratoria rabelasse:

utilizale pe cunvince cun artifiçiu

çercandu l’efetu ciü reditiçiu

scumpassandu tra paresce e esse a diferença

cun metudi udiusi ma pe cunveniença.

      Ma nui nun semu fai pe sfrözà

      e l’arimu de i autri remenà.

   

OVIDIO BOSIO - Dialetto di Ventimiglia

LA RETORICA     

L’oratoria non è una dote

degli Intemeli quando discutono

e non cercano di fare impressione

girando intorno ad una questione

con parole che non vogliono dire nulla

Noi risparmiamo anche nel parlare

e il fiato lo usiamo solo per respirare.

Andiamo diritti agli obiettivi

e non gironzoliamo a cercare aggettivi.

Se la domanda “Perchè ?”ci hanno fatto

“Perchè sì!” replichiamo stringati

Altri invece usano l’eloquenza 

il bel parlare per costruire il consenso

La verità non è la sola conclusione

a noi interessa avere ragione.

Non conta cosa si dice ma il modo

per stregare la gente e legarla ad un chiodo.

La discussione è come uno scontro

una lotta con argomenti a confronto

e ognuno vuole sempre avere la meglio

e di aver torto nessuno ha voglia.

Bisognerebbe delle parole appropriarsi

e tra ingegnosità oratoria trascinarsi

e utilizzarle per convincere con accorgimento

cercando l’effetto più redditizio

superando la differenza tra sembrare e essere.

Ma noi non siamo fatti per ingannare

e l’animo degli altri maneggiare.

ÆGUA CHE CORE di Edoardo Firpo

E punte di campanin,

e çimme de montagne,

pâ che se sforsan de tegnise un po

da luxe che va via.

Da secoli a quest'oa

cianze in te l'aia scua unna campann-a.

Invidio l'ægua che core

e tutto a scorda con lê:

tutte e mattinn-e a s'adescia

neuva limpida viva...

Fresca felicitæ dentro a-a mattinn-a

quando un fioretto o s'arsa

e svapora a rosâ sciù pe-a collinn-a.

Anche in to giancospin

brilla unn-a reuza a-a punta d'ogni spinn-a.

Basta un profummo de lillà bagnòu

pe fame moî.

Edoardo Firpo – Dialetto di Genova

ACQUA CHE CORRE

le punte dei campanili,

le cime delle montagne,

pare che si sforzino a tenere un po'

della luce che va via.

Da secoli a quest'ora

piange nell'aria scura una campana.

Invidio l'acqua che corre

e tutto scorda con sé:

tutte le mattine si sveglia

nuova limpida luce...

Fresca felicità dentro al mattino

quando un fiorellino si drizza

e svapora la rugiada su per la collina.

Anche nel biancospino

brilla una rosa alla punta di ogni spina.

Basta un profumo di lilla bagnato

per farmi morire.

E CAIETE di Vincenzo Jacono

 

Sciura de sanghe int’in bidun versai,

De vitelu, o de bœ, o de vitelun,

E de làite de vaca chi alaitai,

Bèlu frescu, ina mèixima pursiun.

Zunzei aju e prunsemu tritulai,

De pignœi, bèli intreghi in pügnurun,

Peve e sa, œriu bon, pœi remes-ciai

E sbatei stu po’ po’ de lavastrun.

Encì e bïele, avù, stechì ficàire

Inte l’àiga buiente: infin levàire,

S’i ve pan düre pessigaghe e masche.

Se fan cuscì e caiete sanremasche,

A vœiu dì de marca scarpeteira,

Cum’a faixeva Giülia, a caieteira.

Vincenzo Jacono – Dialetto di Sanremo

I SANGUINACCI

Fiore di sangue in un secchio versate,

Di vitello, di bue, o di vitellone,

E di latte di mucca che mungete,

Bello fresco, una identica porzione.

Aggiungete aglio e prezzemolo tritati,

Dei pinoli, belli interi una manciata,

Pepe e sale, olio buono, poi rimescolate

E sbattete questo po po di brodaglia.

Empite le budella adesso, queste ficcatele

Nell’acqua bollente; infine toglietele,

Se vi sembrano dure palpandole.

Si fanno così i sanguinacci sanremaschi,

Voglio dire della Scarpetta,

Come li faceva Giulia, la confezionatrice di sanguinacci.

PARPAGLIÔRE di Mario Saredi

Andà pe’ camìnéti

e gardà i mèi passi

scùrre e parpagliôre.

Parpagliôre cu’i gròssi recami,

parpagliôre cu’i curùi delicài.

Tüte i l’han u sòu vôrà,

tüte i l’han i sôi curùi.

Chela giàuna

pa’ ch’a vôglie pousàsse

in sc’ina màn.

Pe’ in mumèntu a se g’afèrma,

tremôrèndu.

Fòrsci a cunùsce già i òmi,

bòi a fa de brütunìe.

Ma a nu cunùsce mì,

che vôgliu sùlu cunùscira…

A và cun tüte e àutre

ch’i me gìra intùrnu

serchèndu de capìme

sènsa ciamàme rèn.

Andà sènsa cuntà i passi

e gardà e parpagliôre

ch’i se rüsa l’èrba maüra

e e ràire sciùre de l’Estàe,

in tu gèrbu brüxiàu dau sù.

E lascià andà lòche pensu

insème àe parpagliôre,

fina a candu l’Estàe a fenirà….

Mario Saredi – Dialetto di Camporosso

FARFALLE

Andare per sentieri

e guardare i miei passi

rincorrere le farfalle.

Farfalle dai grandi disegni,

farfalle dalle tenui tinte.

Tutte hanno un loro danzare,

tutte hanno un colore diverso.

Quella gialla

pare voglia posarsi

sulla mano.

Per un momento vi si adagia

tremando.

Forse conosce già gli uomini,

capaci di malefiche imprese.

Ma non conosce me,

che voglio solo conoscerla….

Và con tutte le altre

che mi girano attorno

cercando di capirmi

senza nulla chiedermi.

Andare senza contare i passi

e guardare le farfalle

che si contendono l’erba matura

e i pochi fiori dell’Estate,

nel gerbido bruciato dal sole.

E lasciare andare i miei pensieri

in compagnia delle farfalle ballerine

finché l’Estate non finirà……